albejawi

استاد بورتسودان انجاز يتحدث عن نفسه

استعرض الموضوع السابق استعرض الموضوع التالي اذهب الى الأسفل

استاد بورتسودان انجاز يتحدث عن نفسه

مُساهمة من طرف abualama في الثلاثاء فبراير 10, 2009 6:04 am




بسم الله الرحمن الرحيم

الحمدلله نحمده ونستعينه ونشكره علي كثير نعمه

اما بعد :

جميعنا يعلم الطفرة التي شهدها استاد بورتسودان والاهتمام الذي وجده من حكومة ولاية البحر الاحمر واتحاد بورتسودان المحلي فكان لابد لنا ان نسلط الضوء علي هذا الصرح البورتسوداني اللذي صار مفخرة لمدينة بورتسودان واصبح مواكبا للتطور والترقية التي تشهدها مدينتنا الحبيبة بل صار مفخرة للسودان انه يملك استاد بجمال استاد بورتسودان واعترافا بهذا الاستاد فقد فضل الاتحاد العام اقامة المباراة الدولية بين منتخبي السودان ونيجيريا للشباب بهذا الاستاد

طبعا بداية التطوير كانت اولا بتركيب الكراسي البلاستيكية واجلاس جميع الجمهور بالاستاد عليها (وهذه الميزةلا توجد في اي استاد في السودان)








طيب زي ماشايفين دي كانت المرحلة الاولي بعدها ظهرت مشكلة ارضية الملعب لأنو الاستاد بتلعب فيه فرق الدرجة الممتازة والدرجة الاولي والدرجة الثانية فكان في ضغط علي عالي الارضية مما جعلها اردأ ارضية ملعب في السودان وكل الفرق الزائرة بتشتكي منها الكلام دا خلا الاتحاد المحلي يفكر انو يغير الارضية القديمة ويكسيها بالنجيل الصناعي وبمساهمة من حكومة الولاية وهيئة الموانئ وبعض الشركات المتواجدة بالمدينة تحرك وفد من الاتحاد المحلي لدولة تركيا وقام باختيار افضل انواع النجيل الصناعي وفعلا تم شرائه وتركيبه علي الاستاد





واصبح الاستاد والملعب في ابهي صورة مما جعل استاد بورتسودان محل اشادة جميع الفرق الزائرة للمدينة دا غير انو النجيل الصناعي حيرفع من المستوي الفني لفرق بورتسودان في مختلف درجاتها

المرحلة التالته بتتمثل في تغيير الاضاءة الحالية للاستاد واعتقد انو الاتحاد المحلي شرع او بيشرع حاليا في تنفيذها ونتمني ليهم التوفيق

* وفي تصريح لسكرتير الاتحاد المحلي قبل فترة قال انو السيد اسامة داؤود المدير العام لمجموعه شركات دال وهو ابن هذه المدينة قال انو حيتكفل بازالة المقصورة الرئيسية الحالية للاستاد واستبدالها بمقصورة طائرة بمواصفات عالمية اما المساطب الجانبية فحيتكفل بيها السيد الوالي وحيقوم بتغييرها وتوسعتها هي الاخري

*التحية من هنا من منتديات سما بورتسودان للاتحاد المحلي بالمدينة وحكومة ولاية البحر الاحمر وكل المساهمين في تطوير استاد مدينتنا الجميلة واظهاره بهذا الشكل المشرف ونتمني انهم يواصلو علي هذا النهج كما لاننسي اهتمام حكومة الولاية في تأهيل ملاعب روابط الناشئين بالمدينة والي الامام مدينتنا بورتسودان في جميع المجالات

]احمد والزمن الفلاني

abualama

عدد الرسائل : 7
تاريخ التسجيل : 18/01/2009

"الورقة الشخصية"
"الورقة الشخصية" :: 1

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى